Rabu, 9 April 2014 Indonesia gelar pesta demokrasi nggo' milih anggota legislatif alias anggota Dewan Perwakilan Rakyat (DPR) :
1. Kota atawa kabupaten (DPRD II),
2. Ibukota propinsi (DPRD I)
3. Pusat (DPR RI).
Gampange, sing jenenge pemilu legislatif kuwe menentukan pelaksanaan pemilu presiden. Kenangapa ? Sebab, calon presiden sing olih nyalon kuwe ana syarate, yaiku angger hasil perolehan suara legislatif mencapai 20%. Mugane, kudu pada melu coblosan tahap pertama sing milih anggota legislatif kiye. Angger ora pada melu pemilu, mengko capres sing diarep bisa-bisa ora lolos syarat bisa nyapres, tambah ruwet owh ya ?
Nah, masalahe siki, kadang pas milih anggota legislatif dewek nduwe pilihan si Fulan seka partai A, tapi dewek pengene milih presiden seka partai B. Sah ? Ya sah, olih-olih bae.
Jenenge pemilu, kuwe azase LUBER, Langsung, Umum, Bebas dan Rahasia. Jadi ya ora pa-pa, caleg sing dipilih seka partai A sejen karo presiden sing dipengeni paribasane partaine sejen seka partai B.
Ideale, milih wakil rakyat atawa calon legislatif alias anggota DPR ya sing dikenal ya ben dinane kaya apa. Angger mung nang kutane dewek sih egin bisa disawang wonge kaya apa. Tapi angger milih anggota DPR tingkat I alias propinsi karo DPR RI alias pusat, ya rada keder pancen.
Mugane, angger situasine kaya kuwe, angger dicoblos gambar partaine baen sing presidene pengen dipilih. Rada mumet ya, ora pa-pa, ja water. Kabeh ya pada baen mumete. Tapi kiye sing diarani sinau politik. Angger masyarakat ora tahu sinau politik, ya mengko ora pinter-pinter. Mugane aja dadi golput.
Kiye, daftar Partai Peserta Pemilu 2014 :
1. Partai Nasdem, juragane Surya Paloh, sing nduwe Metro TV;
2. PKB, jagone mbuh Rhoma Irama, Muhaimin Iskandar apa Mahfud MD kuweh;
3. PKS, lah kuwe ... Angger ora salah jagoane Anis Matta;
4. PDIP, jelas ya, ngusunge Jokowi;
5. Partai Golkar, jagoane Aburisal Bakri, sing nduwe TV One;
6. Gerindra, jagoane Prabowo, mantan jendral;
7. Partai Demokrat, jagoane Anis Baswedan (Rektor Universitas paramadina) karo Gita Wiryawan (mantan Menteri Perdagangan & Kepala Bappenas);
8. PAN, mbuh kuweh jagoane sapa;
9. PPP, ya ora weruh jagoane sapa;
10. Hanura, jagoane Wiranto (mantan Pangab) karo Harri Tanu (sing nduwe RCTI & MNC group);
11. Partai Bulan Bintang, kayonge egin Yusril Izza;
12. PKP, juragane Sutiyoso.
Wis kuweh ya, akeh owh ya, mumet ? Mugane, dadi rakyat sing cerdas, aja emsoionalan. Gembiyen, pada ribut baen pengen reformasi dadine partai ada 49 ijii. Siki Alhamdulillah gari 12 (ditambah 3 partai lokal khusus Daerah Istimewa Aceh). Mugane, dipikir sing bener, apike pilih partai sing jelas tujuane, pemimpine katon bisa dipercaya tur amanah. Sukur2 wis sugih tapi ora korupsi, duite wis kadung akeh dadi ora pengen korupsi. Aja sewalike, wis sugih pengin tambah sugih dadi korupsi.
Kyeh, angger rakyat pada pinter politik, muga-muga ngesuk maning partaine gari 5, sukur-sukur bisa 3 maning kaya gembiyen, dadi ora mumet, tur luwih gampang ngawasine. Wis ya, met nyoblos, aja klalen ndonga ndisit eben olih pemimpin tur wakil rakyat sing amanah. Met nyoblos ya jakwirs kabeh, merdekaaaa !!!
