BALAI YASA TEGAL RAIH ISO 9000:2008

Balai Yasa Tegal, kantor sing pegaweane ngurus, nggawe karo mbeneraken kereta nduwe PT. KAI (gembiyen PJKA) meraih ISO 9000:2008, Rabo, 2 Desember 2010. Prestasi Balai Yasa Tegal kuwe bebarengan karo Balai Yasa Yogyakarta sing entuk sertifikasi pada sedina sadurunge, Selasa, 1 Desember 2010.

Sertfikasi ISO 9000:2008 Balai Yasa Tegal kuwe dingehi saka Badan Sertifikasi Internasional sing pusate ana nang Jerman. Perolehan sertifikasi kuwe nandakna angger pegaweanane Balai Yasa Tegal kuwe wis diakoni dunia, termasuk faktor keamanan produk sing digawe, yaitu kereta api sing aman dinggoni karo masinis lan penumpange.

Luar biasa, saben sasi, ana bae prestasine Tegal sing membanggakna ! Ayo warga Tegal, pada balik yuh ! Mbangun Tegal eben dadi kota sing luwih maju ! Selamat, Tegal pancen laka-laka !

TEGAL KOTA BEBAS KORUPSI

Peringatan Hari Pahlawan 10 November 2010 wingi, Tegal entuk penghargaan sing membangakan. Tegal menduduki peringkat kedua Kota Paling Bebas Korupsi menurut survey sing dilakoni karo KPK. Kota paling bebas korupsi Denpasar.

Jarene wong sirik ngomentari prestasi Tegal kue "Apane sing pan dikorupsi, Tegal laka apa-apane ?" Komentar kaya kue ora susah dirungokna. Sing penting Tegal pancen laka-laka. Prestasi sing wis diraih kudu dipertahankan. Semoga penilaian kiye bisa luwih apik neng tahun-tahun ngarep. Dudu merga penghargaane tapi pancen karna wong Tegal kue wong-wong sing apikan ora tahu korupsi. Selamat !

KLENTENG TEGAL

Rumah ibadah Klenteng, di mana adanya selalu menarik dan indah untuk dinikmati. Eksotik, itu pasti. Klenteng yang umumnya didominasi warna merah dengan berbagai ornamen utamanya yaitu ular naga menjadi salah satu ikon masyarakat keturunan china yang sangat terkenal.

Di Tegal, Rumah Ibadah Klenteng juga tak kalah terkenal. Begitu terkenalnya rumah ibadah Klenteng Tegal dengan komunitas sekitarnya yang didiami masayarakat China menjadikan kawasan itu terpilih sebagai lokasi shooting film layar lebar "Apanya Dong". Film yang dibintangi Titik Puspa itu mengambil gambar di Kawasan Klenteng Tegal sehingga menjadi tontonan warga masyarakat selama berhari-hari.

Setiap harinya sebagai rumah ibadah Klenteng memang sangat ramai dikunjungi warga Tegal. Lebih-lebih menjelang Hari Raya Imlek. Pasalnya, Rumah Ibadah Klenteng kerap membagikan sembago kepada warga masyarakat yang kurang mampu. Belum lagi pertunjukan Barongshai-nya yang terkenal sangat ditungu-tungu warga Tegal. Begitu usai pertunjukan lalu turun hujan, maka seluruh warga pun bersuka-cita. Artinya, tahun baru menjelang akan penuh dengan berkah dan kemurahan rezeki. Yah ... hujan memang sebuah barokah yang luar biasa besar bukan. Karena di setiap tetes air hujan adalah berkah dan bukti kemurahan Sang Pencipta ....

Di dalam kawasan Rumah Ibadah Klenteng Tegal ini pula terdapat seorang penjahit kain berwiru paling direkomendasikan seantero Tegal dan sekitarnya. Maka bila para perempuan Tegal agak kerepotan melilitkan kain wiru untuk acara nasional, maka mereka akan memilih menjahitkannya di sana, di Klenteng.

Sejak kecil menghabiskan waktu beberapa waktu dan setiap malam tertentu berlatih band di sisi belakang Klenteng lebih dari dua puluh tahun lalu, akhir Mei lalu saya kembali mengunjungi Klenteng, keindahannya tetap tidak pernah pudar. Rindu kampung halaman ? Simak keindahan Rumah Ibadah Klenteng Tegal yang tidak ada duanya ini. Indah bukan ?

MENARA AIR TEGAL

Salah siji kawasan kota tua sing apik nggo disawang nang Kota Tegal kuwe Menara Air sing saiki dadi kantor PAM kota Tegal. Menara Air, dibangun tahun 1931 karo pemerintahan Belanda. Mugane, prasasti sing ana nang ngarep Menara Air munine ya nganggo Basa Belanda.

Menara Air Kota Tegal lokasine ana nang kawasan alun-alun, persis nang ngiringane Kali Gung. Sebelah tengene ana Gedung Kampus Panca Sakti sing dibangun luwih ndisit, tahun 1913. Sekomplek karo Gedung Menara Air, ana omah tua, ora kalah apik sing dibangun barengan karo Menara Air. Kayonge, gembiyen omah kuwe ndisite omah pejabat pengairan jaman kuwe.

Jare Pak Mul, pegawai sing saiki nunggoni Menara Air luwih saka 20 tahun, Gedung Menara Air kuwe duwure sekitar 40 (patang puluh) meter. Sekitar 20 (rong puluh) meter sing ngisor ana tangga mubeng sing apik nemen. Sateruse, angger pan munggah ana tangga monyet (tangga besi) anjog nduwur nemen.

Saka atap sing nduwur nemen nang Menara Air, bisa katon Kota Tegal mubeng apik nemen. Pai karo laute sing biru katon, Gunung Slamet sing ayu ya katon, aja maning Mesjid Agung karo alun-alun sing cedek nemen.

Awit gembiyen, Menara Air jadi siji-sijine lokasi kanggo mbayar retribusi banyu warga sakota Tegal. Anjog samrene, khata saiki mbayar PAM wis bisa saka bank, ATM atawa petugas sing manggon nang mal-mal, Kantor PAM Kota Tegal tetep mempertahanaken Menara Air kanggo mbayar banyu warga sakota Tegal.

Menara Air juga berguna kanggo wara-wara pemerintah jaman gembiyen kanti Pemda Kota Tegal saiki. Samisale kanggo ngumumaken waktu imsak, dung maghrib buka puasa, mengheningkan cipta Hari Pahlawan, peringatan detik-detik Proklamasi setiap tanggal 17 Agustus persis jam 10.00 isuk, lan liya-liyane. Angger warga Tegal sok krungu muni sirine, wong Tegal nagranine muni "ngung" , sing seru nemen, lha kuwe munine saka Menara Air.

Durung tahu munggah Menara Air ? Mugane, dolan maring Menara Air, disawang, dirawat sing temenan, eben kawasan Kota Tua Tegal tetep terawat lan bisa dadi daya tarik wisatawan lokal & manca negara. Tujuane eben Kota Tegal bisa menjadi Kota tujuan wisata budaya, kuliner dan perdagangan sing menguntungkan bagi warga masyarakat lan pembangunan Kota Tegal.

Wis, saiki disawang gambare, terus dirawat kotane ya ... Apik nemen oya ?

JAJAN KETAN

Lugune, jajan ketan nang ngendi-ngendi kuta pada baen. Sing sok sejen paling jenenge, tapi ujud panganane ya pada baen.

Nang Tegal, ada jajan diaranine "alu-alu" sing digawe seka ketan digulung kaya lontong terus dikukus. Mangane diglundungaken maring kelapa parut sing gurih enom wis ditambahi garem. Angger sing seneng manis, ejin ditambahi maning karo kinca, gula jawa sing digodok karo banyu sitik. Angger sing seneng gurih ya dipangan kaya kuwe baen, nggo kelapa. Wong sumatera warahi "alu-alu" kuwe lupis atawa lopis, tapi biasane ujude segitiga.

Ana maning jagung sing direbus tapi wis diuculi tuli. Anggere wis mateng diglundungaken maring kelapa parut. Jenenge "blendung" angger nggon liya mbuh jenenge apa. Sing lucu tah klepon. Angger nang Tegal sing jenenge klepon ujude cilik-cilik nemen, ayu-ayu. Tapi angger mangan klepon nang Jakarta ... idih, dih, dih ... gede nemen sung ! Ora mengeni ! Wuakakakak !

Ketan, nang ngendi-ngendi ya pada. Ana ketan putih, ketan abang karo ketan ireng. Sing seneng gurih dipangane nggo kelapa parut tok. Sing seneng manis bisa ditambahi kinca, srundeng atawa pencok sing pedes.

Ana maning sing liyane ongol-ongol, kapur sing kelire ijo, gemblong, awul-awul, cenil, klepon, macem-macem wis pokoke. Sing pasti enak-enak. Angger sing cilike urip nang ndesa, pasti tahu weruh jajanan ketan khas Tegal kiye. Angger ana sing durung tahu weruh, ya bisa tuku nang alun-alun, gari milih. Wis disawang gambare, sing durung tahu dipangan sing ngendi ... ?

SATE KAMBING MUDA KHAS TEGAL

Ilate wong Tegal angger wis urusane sate, ibarate SOP, standare duwur nemen. Biasa mangan sate nang nggone dewek nang Tegal sing mantab, angger mangan sate atawa kambing nang nggone liya, kayong angel nemen ngomong enak !

Wis awit mbangkanane, Tegal identik karo sate kambing. Padahal Tegal kuwe kota Bahari ya ? Tapi saliyane iwak jebule sate kambinge juga mak ... duuuuul !!! Saking enake ! Kambing, nang tangane wong Tegal, bisa dadi sate kambing sing mpuk nemen, kambing guling sing ... laka-laka enake, dengkil sing ... edan sedepe !

Mugane balik Tegal angger mangan sate maring warung ngendi baen, tetep pada enake. Enak kabeh ! Mangan sate panggone sing akeh nang daerah debong. Akehe nemen bakul sate perek dampar sepur debong pojokan !

Dengkil, lunga baen nang pagongan, angger ora maring tirus jalan 2. Ana dengkil dimasak lombok ijo kayong nggawe klalen marinng maratua ! Ana maning dengkil barang/kikil ... maring alun-alun. Bisa mangan kuping, pipi, ilat, otak, karo sak ndase kambing sisan kayong dikecapi karo ulekan rawit karo rajangan brambang tomat, wis laka maning sing luwih enak timbang kiye. Klalen rasane ? Mugane baliiiiiikkkk Tegal sing kerep !!! Ditunggu ya ... karo bakule !

SEGA KUNING

Sega kuning, nang ngendi-ngendi kuta ana. Tapi nang Tegal ... tetep ... paling enak ! Laka-laka ! Awit tahun jebot, bakulan sega kuning sing enak ya manggone ora pindah2, pusate pancen nang jalan veteran, perek kantor pos.

Saiki, sing dodolan sega kuning kayonge wis ganti. Angger biasane kudu mlebu dapure sing dodol, saiki sing dodol sejen. Ora kalah enak, ibune sing dodol nggeret gerobak, manggon nang emperen too jl. veteran.

Kae, delengaken, lauke ana aduk-aduk tempe, kering tempe, serundeng, suwir ayam opor, irisan ndog opor, sambel goreng kentang, acar timun kuning, oseng rebung, komplit wis pokoke ! Limang ngewu ... dijamin sedep !!!

Penasaran ? Ibune sing ngedol apikan nemen maning ! Mugane balik Tegal sing kerep, eben ora nyawang gambare baen tok !!! Ngiler oya ... ?

12 April 2010, HUT TEGAL ke-430

Dina kiye Kota Tegal ngerayakna Hari Jadine sing ke-430. HUT Kota Tegal ditandani karo upacara bendera nang alun-alun Tegal dipimpin langsung karo Ikmal Jaya, Walikota Tegal, sebagai inspektur Upacara. Kabeh unsur pemerintah daerah Kota Tegal teka maring upacara HUT Kota Tegal dina kiye karo dihimbau kabeh eben nganggo klambi batik khas Tegalan.

Tema HUT Kota Tegal ke-430 tahun kiye yaiku "Tegal Sehat" terus mengkone bakal berlanjut karo tema-tema sing ora kalah apik inssya Allah nang HUT KOta Tegal selanjute. Maksude tema kuwe ya berarti tahun kiye Kota Tegal bakal memprioritasaken kesehatan masayarakat Tegal nang sakabehan lapisan, termasuk sehat penyelenggaraan pemerintahane sing bebas korupsi kudune ya ?

Minggu, 11 April 2010 wingi, profile Kota Tegal dimuat nang surat kabar nasional, harian Kompas, utamane menyangkut 'perbadokan'. Ha3x ... Maksude panganan ... Ngendi maning angger dudu Sauto Senggol alun-alin mburi pos polisi sing nang pojokan. Mudah-mudahan, Kota Tegal semakin menarik kanggo liputan media massa liyane salawase ....

Kanggo Kota Tegal, semoga Kota Tegal eben dadi Kota sing maju masyarakate, industrine, pemerintahane, bocah sekolahane, baharine ... dadi Kota sing bisa makmuraken kabeh masyarakate. Amin ! Tegal Bahari, Selamat Ulang Tahun, Sukses, Tegal, pancen laka-laka ! Dirgahayu Kota Tegal ke-430 ! Tegal Keminclong, Moncer Kotaneeeee ... !

KUPAT GLABED PAK MACHALI

Awit cilik ... angger adine aku sinau (angger aku ora tau sinau ! wuakakakak), anjog bengi, biasane njaluk ditukukna karo jasak kupat glabed special kanggo "doping". Wis-o, jasak mlaku maring alun-alun, bungkus kupad glabed. Tapiiii sing dadi andalan mesti kupat glabed pak Machali, njero alu-alu ngarepanen stasiun.

Lagi kuwe regane paling sewu mangatus ndean seporsi. Diulekna rawit sing akeh karo ditambah sate kerang kayong enak nemen sung. Katone tah pancen biasa baen, tapi jenengane panganan khas ya mesti rasane sedep.

Pokoke angger pan mangan kupat glabed randugunting, ya ... maring alun-alun baen, goleti warunge Pak Machali. Tapi angger pan mangan kupat glabed margadana atawa kupat blengong, ya maring tegal sari baen. Mburi omah ana sawah, sing jenenge bakul kupad glabed blengong rentengan akeh nemen dodolan nang kana. Mangan kupat, sate blengong (bebek) karo nyawang sawah sore-sore bagda ashar ... silir-silir ... Waduh ... laka-laka wis pokoke ... !!!

GEDUNG DANLANAL

Ora akeh wong Tegal sing ngerti angger Tegal nemenane tah kota sing nduwe sejarah hebat. Angkatan Laut Negara Kesatuan Republik Indonesia, lahir jebrol nang Tegal. Laksamana Yos Sudarso, dadi tokoh sing nggawe Angkatan Laut Indonesia kuat lan kuwe asale saka Tegal. Mugane, monumen Yos Sudarso dipasang persis nang ngarepane Gedung DPRD II Kota Tegal wis awit lawas.

Gedung Danaal Tegal anane persis nang totogan, prempatan Kantor Pos. Jebule, kawasan Gedung DPRD, Kantor Pos karo Gedung Danlanal nemene tah Kawasan Kota Tua nang Tegal. Gedunge lawas-lawas, paik-apik, termasuk toko-toko pecinan karo klentenge.

Dongane angger awake dewek gelem ngematna, Tegal kuwe nduwe akeh crita karo peninggalan sejarah sing menarik kanggo ditularaken maring anak cucu. Mugane, sing ngerawa wong Tegal kudu melestarikan sejarah Kota Tegal eben tetep apik lan dikenal wong akeh ....

PAI SAKI ....

Angger nyawang foto kiye ... pasti ora ngandel angger kiye foto Pantai Alam Indah (PAI) Tegal. Apik nemen ya ... PAI Tegal saiki ayu nemen. Tetep dadi tujuan favorit masyarakat Tegal nggo olah raga saban Sabtu karo Minggu isuk, seliyane alun-alun.

PAI Tegal saiki ana museum bahari sing mameraken sejarah kekuatan bahari NKRI jaman perang mbiyen. Ana kapal mabur, ana tank, apik wis nggo sinau bocah-bocah. Seliyane kuwe, nang PAI saiki ana jembatan sing pengunjung bisa mlaku maring tengah pantai. Pengunjung juga bisa nyewa kapal eben bisa luwih maring tengah.

Bakulan ? Aja takon ... Tegal panggonane panganan. dadi pan maring alu-alun atawa maring PAI, bakulan akeh nemen. Angger sing pengen berenang, bocah-bocah bisa nyewa ban eben ora kelep. Sing pengen mancing bisa lungguhan nang mercusuar abang.

Mangkat maring PAI jam lima isuk entes subuhan, pemandangane apik nemen, ndelengaken matahari-ne kaya ndog ceplok. Apiiiiik nemen ... !

TEGAL CAR FREE DAY

Tegal saiki nduwe kebiasaan anyar. Saban dina Minggu awit jam 05.00 isuk subuh-subuh nganti jam 08.00 kawasan alun-alun dadi kawasan bebas kendaraan bermotor atawa "car free day". Dadi, pas jam kuwe, kawasan laun-alun bisa kanggo olah raga masyarakat Tegal disambi mangan, sarapan kupat glabed nang pinggirane alun-alun karo nyawang Mesjid Agung Tegal sing kuna tapi tetep ... ngangeni angger suwe ora ndeleng.

Kawasan alun-alun Tegal saiki wis luwih apik. Nang bunderane alun-alun ana panggonan lungguhan sing bentuke kapal-kapalan kelir biru. Khas nemen Tegal Bahari wis pokoke. Ditambah maning, bakul sing dodolan ngiteraken alun-alun komplit nemen, awit sega ponggol, lengko, kupat glabed kanti bubur kajang ijo ana kabeh. Pokoke angger sing ora tahu balik Tegal pasti pangling wis nyawang Tegal ....

GEDUNG DPRD II KOTA TEGAL

Gedung DPRD II Kota Tegal, gembiyen dimanfaatna kanggo Kantor Walikota. Jamanne Indonesia menang piala Thomas Cup, Hastomo Arbi, Liem Swie King, Chandra, karo liya-liyane ya diarak mubeng Tegal mbengine resepsi nang Teras Gedung kiye.

Awit tahun 1988 - an, gedung tua kiye beralih fungsi dadi kantor DPRD II Kota Tegal. Khase gedung tua, Gedung DPRD II kiye arsitekture kuno, kuat tur adem. Sanggane gede-gede, lawange ya gede-gede, terus atape duwur nemen.

Saiki, Gedung DPRD II lagi direnovasi ... bagian njerone, tapi bagian ngarepe tetep dipertahananken dadi warisan kota tua nang Kota Tegal.